خير أيام الدنيا

 من رحمة ربنا بينا إنه دائما يبعتلنا مواسم الطاعة 

ساعات قليلة جدا وتهل علينا أجمل أيام الدنيا 🌻أيام ذي الحجة 🌻

🕋 لو عرفنا فضلها وقد إيه هى أيام قليلة في العدد لكن عظيمة في الأجر والثواب 

🎉 كنا استقبلنا أيام ذي الحجة زي أيام رمضان بالظبط 

💪 كنا هانعبد ربنا ونتقرب إليه فيها زي أيام شهر رمضان وأكثر 

كنا جهزنا خطة للانطلاق عنوانها 

             🌻 ربح البيع 🌻

إزاي هاكون إنسان رابح ومش خاسر⁉️

🌴 لأن ببساطة أيام ذي الحجة زي موسم التجارة اللي بينتظره كتير من التجار 

👍بس التاجر الشاطر اللي يعرف إزاي يخرج من الموسم بتجارة رابحة 

🌴 فما بالنا بموسم عباده وتقرب إلى الله من أهم مواسم الخير والبركة والعطاء 

🌛موسم فيه إعادة لروحانيات شهر رمضان 

🌛موسم فيه فرصة لكل نفس تكاسلت وضيعت رمضان منها 

🌛موسم فيه فرصة لناس كتير تهاونوا وقصروا في العشر الأواخر من رمضان وضاعت منهم ليلة القدر 

🤍 أهو ربنا من رحمته بينا بعت لينا موسم خير وبركة وعطاء 

💪 بس محتاج تاجر شاطر يقدر يقول

             🌻ربح البيع 🌻

🤲 يقدر يقول لبيك يا الله بصدق ويجهز قلبه ويفرغ نفسه لعبادة ربنا وبس 

🤲 مافيش حاجة تقدر تشغله في الدنيا عن الفوز بأجمل أيام الدنيا 

تعالوا نشوف حديث الرسول عليه الصلاة والسلام 👇

قال رسول الله ﷺ : " مَا مِنْ أيَّامٍ العَمَلُ الصَّالِحُ فِيهَا أَحَبُّ إِلَى اللهِ مِنْ هذِهِ الأَيَّام - يعني أيام العشر - قالوا : يَا رسولَ اللهِ وَلا الجِهَادُ في سَبيلِ اللهِ ؟ قالَ : وَلا الجِهَادُ فِي سَبِيلِ اللهِ، إِلا رَجُلٌ خَرَجَ بِنَفْسِهِ وَمَالِهِ، فَلَمْ يَرْجِعْ مِنْ ذَلِكَ بِشَيءٍ " 📚 رواه البخارى 

عشر أيام 🌙 أنت فيها مع نفسك ✋

✍ ورقة وقلم وخطة ونبتدي الإنجاز من دلوقتي 

بإذن الله هانشجع بعض كل يوم 💪

💌 ياريت كمان في طريق العبادة إلى العشر من ذي الحجة امسكوا في كل احبابكم بكل قوة 🤝 اوعوا تعبدوا ربنا لوحدكم🥺

ناس كتير محتاجة تذكير ⏰

ناس كتير محتاجة اللي يشدها للطاعة🤝 ويمسك على ايدها بكل قوة ويطمنها ويقولها 👇

أنا مش هاعبد ربنا لوحدي✋

أنا مش هادخل الجنة من غيركم 🏝

صدقوني كل تذكير هايكون في ميزان حسناتكم ⚖ 

#أجمل_أيام_الدنيا

#أيام_ذي_الحجة

#وليال_عشر 

#ياباغي_الخير_أقبل

#جدد_النية

#ربح_البيع

#فاطمة_الأمير