ربح البيع

 




🕋أجمل أيام الدنيا 🕋


🤔 ياترى جهزنا ورقة وقلم 📝 كتبنا خطة العشر ولا لسه


أول حاجة في خطتنا عايزين نحاسب أنفسنا بجد 


وقفة سريعة النهاردة ✋ ويلا نكتب أي حاجة احنا بسببها ماشيين في طريق بعيد عن ربنا 


بتعمل المعصية وأنت مستسلم ليها ومش قادر تبطلها ❌


شايفة إن حجابك ولبسك لسه مش مظبوط بس بتقولي بكرة هاظبط كل حاجة دلوقتي أنا لسه صغيرة ❌



لسه مصممة تسمعي أغاني بعد ماعرفتي إنها حرام ❌



لسه في تسويف في العبادة ودايما مشغولة والصلاة بتتأخر عن وقتها❌


لسه قاطع لرحمك ومش قادر تنتصر على نفسك وتسامح وتغفر لمجرد إن الشيطان زين في نفسك الكبر وشغال زن ويقولك أنت مش غلطان تصالح وتسامح ليه ❌



لسه الغيبة والنميمة 🗣 مش قادرة تمنعيها ولسه متصورة وواخدة فكرة عنها إنها يادوب مجرد فضفضة في قاعدة ❌



ذنوب..... ذنوب..... ذنوب..... 🚫🚫


محتاجة تتنسف فورا 💣


هانشوف كل الذنوب والمعاصي اللي الشيطان زينها لينا وأعمل عليها خط أحمر ❌ 


لأن استحالة هتلاقي وقت أجمل من ده تتقرب فيه من ربنا ✅


استحالة هتلاقي وقت أعظم من ده ترفع فيه الظلم عن نفسك ✅


أيوه ✋✋✋✋✋✋✋


 انتوا بتظلموا أنفسكم بالاستسلام لأي معصية ولأي ذنب مهما كان بسيط في نظرك 😔



صدقوني الذنب مهما كان نظرتنا ليه إنه صغير؛ فهو هايفضل طول عمره ذنب 💔



💔 تعالوا نشوف لحظات أهل القبور وهما بيتمنوا يرجعوا يمحوا ذنوب... أو معاصي... أو يسامحوا..... أو يبطلوا غيبة و نميمة.....


لحظات صعبة وقاسية وكلها ندم 😔😔



 كانت أقصى أمنية هاتكون ليهم إن صلاتهم هاتكون في وقتها👍


 وإن الحجاب واللبس يكون زي ما أمر ربنا سبحانه وتعالى 🧕


كانوا هايتمنوا لو يرجعوا ويمسحوا أي أغاني 🎧كانوا بيسمعوها ❌ 


كانوا ..... وكانوا ...... 



⚖ كانوا هايتمنوا إن ثواني عمرهم اغتنموها في طاعة وذكر وتسبيح ورضا بكل أقدار الله عليهم 📿


طيب إحنا لسه أهو عايشين بفضل الله وكثير مننا بيتمتع بكامل قوته وطاقتة وصحته 💪


يبقى ليه الغفلة ..... ليه البعد 



دلوقتي حالا هانجدد شعارنا مع الله 


              🌻 ربح البيع 🌻


             🕋 لبيك يا الله 🕋


✅ أنا يارب اللي هابيع الدنيا وهتاجر علشان الفوز بالآخرة والجنة 



✅ أنا يااارب اللي هاترك كل حاجة علشان الفوز برضاك عني 


✅ أنا يااارب اللي هاجتهد لأن جسدي ونفسي ضعيفة مش هاتقدر تتحمل عذاب النار 


    ✅ أنا يااارب 🌻 ربح البيع 🌻



#جدد_النية 

#ربح_البيع 

#لبيك_يا_الله

#أجمل_أيام_الدنيا 

#وليال_عشر 

#ياباغي_الخير_أقبل 

#فاطمة_الأمير



تعليقات

إرسال تعليق

المشاركات الشائعة من هذه المدونة

أذكار الصباح

 🌕 أذكار الصباح 🌕  ‏ 💫صحيح الأذكار لإمام السنة المحدِّث الألباني رحمه الله.  🌕أَصْبَحْنَا وَأَصْبَحَ الْمُلْكُ لِلَّهِ وَالْحَمْدُ لِلَّهِ لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ . رَبِّ إنِّي أَسْأَلُكَ خَيْرَ مَا فِي هَذِاِ اليَوم وَخَيْرَ مَا بَعْدَهُ وَأَعُوذُ بِكَ مِنْ شَرِّ هَذِاِ اليَوم وَشَرِّ مَا بَعْدَهُ . رَبِّ أَعُوذُ بِكَ مِنَ الْكَسَلِ وَسُوءِ الْكِبَرِ . رَبِّ أَعُوذُ بِكَ مِنْ عَذَابٍ فِي النَّارِ وَعَذَابٍ فِي الْقَبْرِ . )) 📚(مختصر مسلم: 1894) 🌕 - (( اللَّهُمَّ بِكَ أَصْبَحْنَا، وَبِكَ أَمْسَيْنَا، وَبِكَ نَحْيَا، وَبِكَ نَمُوتُ، وَإِلَيْكَ النُّشُورُ, ))   📚(الصحيحة: 262) . 🌕 - ((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلا...
قراءة المزيد

عطايا العشر

صورة
  🏝 بستان العشر 🏝 🤔 ياترى بستان العشر لكل واحد فينا شكله بقى عامل إزاي ⁉️ 🕋 أجمل أيام الدنيا لو مكنتش فيها تاجر رابح آمال هاتكون امتى  💦 نسايم العشر محتاج فيها 3 حاجات  لو قدرت تثبتها هاتكون من الفائزين في العشر 👍 🏆 دعاء بيقين تام+صدقة+قيام الليل = استجابة تامة بفضل الله ✅ 🤲 دعاء بيقين تام أنت بتدعو إلى الله يعني رفعت كل اللي محتاجه لملك الملوك استحالة هايردك 😍 🤲 دعاء بيقين تام يعني أنت واثق إن الاستجابة حصلت خلاص مافيش عندك شك هاتتحقق إزاي و امتى ربك هايدبر ليك كل حاجة اطمن 😍 🤲 عندك يقين تام إن ربنا خلاص حققلك كل دعواتك من قبل ما تخلص دعاء اصلا 👍 💰 #الصدقة باب من أبواب التقرب إلى الله سبحانه وتعالى  💰 اخرج #صدقة وتقرب بيها إلى الله اجعلها عبادة ثابتة في حياتك حتى بعد مواسم الطاعات ما بتخلص ✅ 🤲 #قيام_الليل أغلب الناس نايمة وأنت بس اللي واقف بتناجي ربك 📿 🏝 اوعى تضيع عطايا العشر منك 🎁 📩 ضاع منك رمضان أهو العشر فرصة جديدة تقدر ترجع وتسبق بيها تجار شهر رمضان ⚖ 💪 اجتهدت وكنت من الفائزين في شهر رمضان أهو فرصتك تثبت نفسك على عبادات رمضان اللي كنت فيها...
قراءة المزيد

أبحر في سفينة التوبة

صورة
  أبحر في سفينة التوبة بقلم/ فاطمة الأمير إن الطريق إلى الله بدايته التوبة،  وطريق التوبة واضحٌ كالشمس منيرٌ كالقمر؛ إنه طريق مستقيم ليس به أي اعوجاجٌ، سهل ميسر منفتحٌ لكل من طرقت يداه على أبوابه.   والتوبة: هي الرجوع والهداية، وسفينة النجاة التي متى ركِبها العبد نجا بفضل الله، فمتى ركبتَ سفينة التوبة، كانت البداية هي ترك كل فعلٍ وقبح، ويأس وفحش، وشهوات وشبهات، وأبحرت إلى شاطئ اللجوء، ومنبع الخير ومبعث الفلاح، وسعادة الدنيا والآخرة وكنت من الفائزين.   وإن استشعار القلب للندم، والبكاء على فِعل كل ما هو قبيح، والتوجه إلى الله، والكف عن الذنوب - من علامات صدق التوبة.   ولكن كثيرًا ما تتساءل الأنفُس:  كيف ولماذا سأتوب؟ البعض يقول:  أريد أن أتوب، ولكن حولي الكثير من الفتن والمعاصي، والشبهات والشهوات؛ فأصبح طريق التوبة والاستقامة متعرجًا، به الكثير من الحفر والأشواك، فكيف أعرض عن هذا كله، وأمضي لأركب سفينة التوبة؟   والبعض الآخر يقول:  أريد أن أتوب، ولكن الناس لا ترحم، ولا تغفر لمن أخطأ؛ فنحن أصبحنا في مجتمع صائدٌ لأخطاء كل قلب ونفس ضلَّت طريقها يو...
قراءة المزيد